ကျွန်တော် ဝေလငါး

ကျွန်တော် ငယ်ငယ်ကတော်တော်လေး ငါးဖမ်းဝါသနာပါခဲ့ဖူးတယ်ခင်ဗျ။ အမှိုက်ပုံနားက မြေကြီးတွေထဲက တီကောင်တွေနှိုက်ပြီး တစ်နေကုန်ငါးမျှားတံတစ်လက်ကိုင်ပြီး မြောင်းတွေ၊ အိုင်တွေထဲမှာ ငါးလိုက်မျှားခဲ့ဖူးပါတယ်။ ကိုးတန်းဆယ်တန်းလောက်အထိကို ကျောင်းစာတွေကြားက အားရင်အားသလို ငါးထွက်ထွက်မျှားပါသေးတယ်။ အဲဒီလောက်အထိ ငါးဖမ်းခြင်းကိုဝါသနာကြီးခဲ့တာပါ။ ဒါပေမယ့် ကျောင်းပြီးလို့သဘောင်္စလိုက်တဲ့အချိန်ကစပြီး ကျွန်တော့်ရဲ့ဝါသနာကိုစွန့်လွှတ်ခဲ့ပါတယ်။ ဘာကြောင့်စွန့်လွှတ်ခဲ့လဲဆိုတာက ထွေထွေထူးထူးတော့မဟုတ်ပါဘူး။ သူလဲရေထဲမှာနေတယ်၊ ကိုယ်လဲရေထဲမှာနေတယ် ဘဝတူတွေပဲဆိုတဲ့အတွေးကြောင့်ပါ။

အဲဒီလိုအတွေးမျိုးမထားနိုင်တဲ့သူတွေကတော့ ကျွန်တော်နောက်ဆုံးစီးခဲ့တဲ့ သဘောင်္ကသူတွေ အားလုံးနီးပါးပါပဲ။ သူကြီး၊ စက်ချုပ်ကအစပါ။ သူတို့ကိုအပြစ်ပြောလို့လဲမရပါဘူး သဘောင်္မှာအပန်းဖြေစရာက ရှားတာကိုး။ အားအားရှိသဘောင်္ဆိပ်ကမ်းကပ်ထားရင်ဖြစ်ဖြစ်၊ ကျောက်ချထားရင်ဖြစ်ဖြစ် သဘောင်္ပဲ့ပိုင်းမှာ ငါးမျှားတံကိုယ်စီနဲ့ soju ပုလင်းလေးတွေ၊ ဘီယာဗူးလေးတွေဘေးမှာချလို့။ ရလာတဲ့ငါးတွေကိုဘေးမှာ အသင့်ဆောင်ထားတဲ့ဓားနဲ့အလွှာလိုက်လှီးပြီး အစိမ်းလိုက်အမြည်းလုပ်ကြလေရဲ့။ သူတို့မကြိုက်တဲ့ငါးမျိုးမိလို့ရင်လဲ သာသာယာယာငါးမျှားချိတ်က ဖြုတ်ပြီးရေထဲပြန်လွှတ်ပေးတာမဟုတ်ဘူး၊ စောင့်ဆွဲဖြုတ်ပြီး ရေထဲကန်ချတာ။ ပြီးတော့လဲ သူတို့စားနိုင်လှ သုံးလေးကောင်ပေါ့ အဲဒါကိုအလကားထိုင်ပြီး အပျော်ဖမ်းနေကြတယ်။ သဘောင်္ကမကျွေးလို့ဆိုထားတော့ (သူငယ်ချင်းတစ်ယောက်ပြောပြတဲ့ သူစီးခဲ့တဲ့ မလေးရှားသဘောင်္ကတော့ ဝအောင်မကျွေးလို့ငါးဖမ်းစားရတယ်လို့တော့ကြားဖူးတယ်)။ ငါးဖမ်းခြင်းက သူတို့ကိုရီးယားလူမျိုးတွေရဲ့ ယဉ်ကျေးမှုတစ်ခုလိုဖြစ်နေပြီး ငါးဆိုတာကို သတ္တဝါရယ်လို့မယူဆထားဘူးတဲ့ဗျာ။

။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။

ဒီအပတ်စနေနေ့ထုတ် the voice weekly ဂျာနယ်မှာပါတဲ့သတင်းလေးတစ်ပုဒ်ကို သွားတွေ့တယ်ခင်ဗျ။ အပူပိုင်းဒေသတွင်ကျက်စားလေ့ရှိသော Bryde’s whale မျိုးစိတ်ရှားပါးဝေလငါးတစ်ကောင် ထားဝယ်ဒေသ လောင်းလုံမြို့နယ် ကမ်းပနီကျေးရွာကမ်းခြေတွင် ကမ်းတင်သေဆုံးလို့ဖော်ပြထားပါတယ်။ ငါးလုပ်ငန်းဦးစီးဌာနရဲ့ယူဆချက်အရ ကျွန်တော်တို့သဘောင်္သားတွေလဲအပြစ်မကင်းဘူးဗျာ။ (ယင်းဝေလငါးမှာ ငါးဖမ်းသမားများကြောင့်ထိခိုက်ခြင်း၊ သဘောင်္ဖြင့်ထိခိုက်ခြင်း၊ သက်တမ်းရင့်လာ၍သေဆုံးခြင်းတို့ကြောင့် ဖြစ်နိုင်ကြောင်းယူဆထားပါသည်တဲ့)။ အဲဒါနဲ့တစ်ဆက်ထဲ marine insight ကဆောင်းပါးလေးတစ်ပုဒ်ကို ပြန်ရေးကြည့်မယ်လို့စိတ်ကူးရလာပါတယ်။

သဘောင်္လုပ်ငန်းရဲ့အကျိုးဆက်တွေကြောင့် ဝေလငါးအမြောက်အများသေကြေပျက်စီးရခြင်းမှာ ဝေဖန်ဆန်းစစ်ရမယ့်ပြဿနာတွေဖြစ်လာပါပြီတဲ့။ ဝေလငါးတွေဟာ ပင်လယ်ကူးသဘောင်္တွေ၊ အခြားကမ်းလွန်သဘောင်္တွေ (offshore vessel) တွေနဲ့တိုက်မိခြင်းကသူတို့ကိုဒဏ်ရာရစေ၊ သေစေတဲ့ အဓိကအကြောင်းအရင်းဖြစ်ပါသည်။ နောက်တစ်ချက်ကတော့ သဘောင်္တွေကြောင့်ဖြစ်တဲ့ ဆူညံသံတွေ (effects of underwater noise pollution) ကြောင့်လဲဖြစ်နိုင်ပါသည်။
သဘောင်္နဲ့ဝင်တိုက်မိတာကတော့ ဆူညံသံကြောင့်ထက် ပိုပြီးသိသာထင်ရှားပါတယ်။ အထူးသဖြင့် USA နဲ့ ကနေဒါအရှေ့ဘက်ကမ်းလွန် သဘောင်္အသွားအလာရှုပ်ထွေးတဲ့ ပတ်ဝန်းကျင်မှာနေထိုင်ကြတဲ့ ဝေလငါးတွေအတွက်ကတော့ အထူးသတိထားစရာပါပဲ။ သဘောင်္မောင်းနှင်သူတွေအနေနဲ့ ဝေလငါးတွေကိုလိုက်ကြည့်ပြီး ရှောင်မောင်းဖို့ဆိုတာမဖြစ်နိုင်ပါဘူး။ (သဘောင်္အချင်းချင်းတောင် မတိုက်အောင်ရှောင်မောင်းနေရတာကို။ ပြောလို့တော့မရဘူး နောက်ပိုင်း ဂေဟစနစ်ကို အလေးထားတဲ့သူတွေများလာရင် IMO က rule (5) lookout မှာ a full appraisal of situation and of the risk of whale collision ဆိုပြီးထည့်ရေးချင်ရေးလာမှာ) ။

၁၉၅၀ နဲ့ ၁၉၇၀ကာလတွေအတွင်းမှာ သဘောင်္တွေရဲ့ မြန်နှုန်းမြင့်လာခြင်းနဲ့အတူ သူတို့တွေရဲ့ ထိခိုက်မှုတွေလဲပိုများလာခဲ့ပါတယ်။ မှတ်တမ်းတစ်ခုအရ ၁၉၇၀ နဲ့၁၉၈၉ခုနှစ်အတွင်း northern right whale မျိုးနွယ်ဝေလငါးတွေရဲ့ ၂၀ရာခိုင်နှုန်းခန့်ဟာ USA နဲ့ ကနေဒါအရှေ့ဘက်ကမ်းလွန်တွေမှာ သေဆုံးခဲ့ရပါတယ်။ သူတို့ရဲ့ကိုယ်ပေါ်က သဘောင်္ပန်ကာခြစ်ရာတွေက သူတို့တွေဟာ သဘောင်္တွေနဲ့ဝင်တိုက်ခဲ့ကြောင်းသက်သေပြနေပါတယ်။ အဲဒါတွေအပြင် ကျွန်တော်တို့မသိနိုင်တဲ့ မှတ်တမ်းမရှိတဲ့ ဝေလငါးသေဆုံးမှုဘယ်လောက်များများရှိတယ်ဆိုတာ မပြောနိုင်ပါဘူး။

။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။

ပင်လယ်နေသတ္တဝါတွေကို ဒုက္ခပေးတဲ့နောက်တစ်ချက်ကတော့ သဘောင်္ပန်ကာလည်၍ဖြစ်လာသော တုန်ခါမှုပဲ့တင်သံတွေ၊ ပဲတင်သံလှိုင်းဖြင့် ရေအနက်ကိုတိုင်းတာခြင်းတွင်သုံးသည့်ကိရိယာများ၊ ရေနံနဲ့သဘာဓာတ်ငွေ့တူးဖော်ဖောက်ခွဲခြင်းမှ ထွက်လာသည့်ဆူညံသံ များ ( effects of noise pollution) တွေပဲဖြစ်ပါတယ်။ အဲဒီပဲတင်သံလှိုင်းများဟာ လေထဲမှာထက် ရေထဲတွင်ပိုပြီးဝေးဝေးရောက်နိုင်ပါသည်။ ပိုဆိုးတာက ပင်လယ်နေသတ္တဝါတွေဟာ ကုန်းနေသတ္တဝါတွေထက် အသံလှိုင်းကိုခံနိုင်ရည်အားနည်းပါတယ်။ အဲဒီအသံတွေကြောင့် သူတို့တွေရဲ့ အစာရှာဖွေခြင်း၊ မိတ်လိုက်ခြင်းတွေမှာလည်း အဟန့်အတားဖြစ်စေပါသည်။ အဲဒီကြိမ်နှုန်းနိမ့်အသံလှိုင်းတွေဟာ လူတွေအတွက်ပြဿနာမရှိပေမယ့် ပင်လယ်နေသတ္တဝါတွေအတွက်တော့ စိုးရိမ်စရာပါ။

အထူးသာဓကတွေကတော့ စစ်ရေးဆိုနာလေ့ကျင့်မှုတွေ (sonar exercise) ကြောင့်ဝေလငါးအများအပြား ကမ်းတင်သေဆုံးမှုများ ဖြစ်ပွားခဲ့ခြင်းတွေပါပဲ။ အလားတူလေ့ကျင့်မှုတွေကြောင့် စပိန်ကမ်းခြေတွင်လည်း ပြည်ကြီးငါးအမြောက်အများ ကမ်းတင်သေဆုံးခဲ့ရဖူးပါတယ်။

။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။

ကျွန်တော့်ဘာမှမဟုတ်တဲ့ သတ္တဝါတွေကိုအရေးတယူ လူတွင်ကျယ်လုပ်ပြီးရေးနေတယ်လို့ ထင်ကောင်းထင်နိုင်ပါတယ်။ ဒါပေမယ့် သူတို့တွေနေရာက ပြန်စဉ်းစားကြည့်ဗျာ။ သူတို့တွေဘိုးဘွားဘီဘင်ကတည်းကနေလာတဲ့ ပင်လယ်သမုဒ္ဒရာကြီးလေ။ silent world လို့တင်စားရလောက်အောင် တိတ်ဆိတ်အေးချမ်းတာ။ ဒါကို ကျွန်တော်တို့တွေက လျစ်လျူရှုပြီး ကိုယ်လုပ်ချင်တာလုပ်မယ်ဆိုရင် ဘယ်ကောင်းမှာလဲ။

ကျွန်တော်တို့တောင် ကိုယ့်ဘိုးဘွားဘီဘင်နေလာတဲ့နိုင်ငံမှာ တခြားလူမျိုးတွေ လူတွင်ကျယ်လာလုပ်ရင် မခံနိုင်ဘူးဗျာ။ ဒီလိုပဲသူများနေရာဒေသမှာ သွားလာလှုပ်ရှားကြမယ်ဆိုရင် သူ့အရပ်နဲ့လိုက်လျောညီထွေ သူ့စည်းသူ့ကမ်းနဲ့နေကြသင့်တယ်လို့ထင်ပါတယ်။

Ref: How Shipping Has Become a Great Threat to Whales

Shared by - navoski (Navo Ski)