Wednesday, October 5, 2016

သဘောင်္သား နှင့် ပေးဆပ်ရင်းအသက်ရှင်နေရသူ


             အမေ ကသားသမီးတွေအတွက်
တနေ့တာ ချက်ပြုတ် ကျွေးမွေး ယုယချစ်ခင်
အတူနေတဲ့ အချိန်
            အဖေကတော့  မိသားတစ်စု အစဉ်ပြေ
ဖို့ သားသမီးဇနီးမယား အကြင်နာမပေးအား
လှိုင်းလေ တွေကြား အပြေးအလွှား
ကိုယ့်အတွက် မစဉ်းစားအားဘဲ အလုပ်များနေခဲ့
ကြတယ်။

          အမေ က လှလှပပ ဖြီးလိမ်း သားသမီး
တွေကို ကျောင်းပို့ချိန်မှာ
          အဖေကတော့  ခက်ခဲကြမ်းတမ်း ပင်ပန်းတဲ့ အလုပ်တွေလုပ်ရင်း သားသမီးပညာတက်ဖြစ်ရေး အတွေးနဲ့
မမောမပန်း နေနိုင်ခဲ့ကြတယ်။

         အမေ က သားသမီး လိုအပ်တာ ပူစာ
တာတွေ လိုက်ဝယ်ပေးလို့ သားသမီးတွေ
ပျော်နေချိန်မှာ
         အဖေကတော့  လစာလေး မပွန်းသွားရ
အောင် ကြိုက်တက်တာတွေ ရှောင်လို့
အပိုမကုန်အောင် ကြိုးစားနေထိုင် ခဲ့ကြတယ်။

        အမေက ကျောင်းပိတ် ရက်တွေမှာ သားသမီးတွေနဲ့ ဟိုဟိုဒီဒီ လျှောက်လည်နေတဲ့
အချိန်
အဖေက သဘောင်္ပေါ်မှာ အားရက်လည်း
သဘောင်္ပေါ်မှာဘဲ သတိရစိတ်ကို ဓါတ်ပုံကြည့်
ရင်း ကျေနပ်နေရတယ်။

      အမေ က သားသမီးကို နေပူထဲ မသွားဖို့
မကစားဖို့ တားမြစ်နေချိန်
   အဖေကတော့ ပူပြင်းတဲ့နေရောင်အောက်မှာ
အလုပ်တွေ လုပ်ရင်း သားသမီးတွေ မပူပင်
ရဖို့ အလုပ်ကြိုးစားလုပ်နေခဲ့ရတယ်။

     အမေ က သားသမီးတွေအပြင်အဝေး တနေရာ သွားတိုင်း ဖုန်းခဏခဏဆက် စောစောပြန်လာဖို့  သတိပေးနေချိန်
     အဖေကတော့ တခုခုဖြစ်ရင်တောင်    ဘယ်သူမှမသိနိုင်တဲ့ သမုဒ္ဒရာ ပင်လယ်ပြင်မှာ။

ဒါပေမဲ့ သားသမီးတွေကတော့
အမေ ကိုဘဲ ပိုချစ်တယ်
အမေ သာသူတို့ ကမ္ဘာ သူတို့ဘဝ
အမေ ပြောရင်လက်ခံတယ်

အဖေ ဆိုတာ သူတို့အတွက် ဧည့်သည်
ခဏ လာပြီး ပြန်သွားရမယ့် သူ
အဖေ ပြောရင် အရေးမပါဘူး
အဖေ ခဏ အိမ်မှာ နေချိန်လေးကိုကြည့်ပြီး
သူတို့ ဘဝတွေအတွက် အသက်စွန့်စား
လုပ်ကိုင်ခဲ့ရတဲ့ ပင်လယ်ပြင်ထဲက အချိန်တွေ
ကိုမေ့လျှောနေပြီး အဖေတွေကို ဆက်ဆံ
နေကြတော့တယ်။