“အဟောင်း” ဆိုတာ “အသစ်” ကဖြစ်လာတာပါ။

ကျွန်တော်ထင်တယ်ဗျာ။ အခုကျွန်တော်ပြောမဲ့အကြောင်းတွေကို အခြားသော ကျွန်တော်နဲ့ ဘ၀တူ နိုင်ငံခြားသဘော`်ဝန်ထမ်း (သဘော`်သား) များလဲ ပြောချင်နေမှာဘဲလို့။ ကိုယ့်ပေါင်ကိုယ်လှန်ထောင်းတယ် လို့ဘဲပြောပြော ကျွန်တော်တို့ လောက မှာ ဖြစ်ပျက်နေတာတွေက တကယ့်ကို နွားခြေရာခွက်ထဲက ဖားသူငယ် လို ဖြစ်နေတဲ့ ကိစ္စအကြောင်းတွေပါ။ 

ကျွန်တော်တို့နိုင်ငံမှာ နိုင်ငံတကာသွား ပင်လယ်ကူးသဘော`်တွေ ပိုင်တဲ့ သဘော`်ပိုင်ရှင် (Ship’s Owner) ရယ်လို့ ကုပ္မဏီ အဖွဲ့အစည်းအနေနဲ့ လက်ညှိးထိုးပြစရာ ရှားရှားပါးပါး အဖြစ် ယခင်တုန်းက နိုင်ငံတော်ပိုင် မြန်မာ့ကြယ်ငါးပွင့် သဘော`်လုပ်ငန်း (Myanmar Five Star Line – MFSL) ကို ၂၀၁၀ ပြည့်နှစ်မှာ မြန်မာ့စီးပွားရေးဦးပိုင်လီမိတက် မှ ဆက်လက်လုပ်ကိုင်လျှက်ရှိတဲ့ တခုတည်းသောသဘော`်လုပ်ငန်းဘဲရှိပါတယ်။ ရေကြောင်းပို့ဆောင်ရေး ညွှန်ကြားမှုဦးစီးဌာန ၊ သဘော`်သားအလုပ်အကိုင် ကြီးကြပ်ရေးဌာနခွဲ (SECD) မှာ တရားဝင်ထုပ်ပြန်ထားတဲ့ စာရင်းအရ နိုင်ငံခြားသဘော`်ဝန်ထမ်း များကို အလုပ်အကိုင်ဝန် ဆောင်မှုပေးနေတဲ့ ကုပ္မဏီ (Crew Manning Company) ၁၆၀ ကျော်သာရှိပါတယ်။ ဒီနေရာမှာ စာရှည်မှာစိုးတဲ့အတွက် သဘော`်ပိုင်ရှင် (Ship’s Owner) ၊ သဘော`်လုပ်ငန်းဆိုင်ရာစီမံခန့်ခွဲမှုပေးရသောကုပ္မဏီ(Shipping Management Company) နှင့် လူသားအရင်းအမြစ်စီမံခန့်ခွဲရေးကုပ္မဏီ (Crew Manning Company) တို့ရဲ့ မတူညီတဲ့ လုပ်ငန်းသဘော သဘာဝ တွေအကြောင်းမရေးသားလိုပါ။ 

ရေကြောင်းသယ်ယူပို့ဆောင်ရေးလုပ်ငန်း (Shipping Industry) ကဏ္ဍ္ဌထဲက မဖြစ်မနေ ပါဝင် အသုံးတော်ခံ နေကြရတဲ့ Player တခုကတော့ သက်ဆိုင်ရာလုပ်ငန်းတာဝန်အလိုက် သဘော`်များပေါ်တွင် အမှုထမ်းနေကြသောသဘော`်ဝန်ထမ်း လူသား အရင်းးအမြစ်များဘဲဖြစ်ပါတယ်။ ကျွန်တော်တို့နိုင်ငံမှာ အလုပ်အကိုင် အခွင့်အလမ်းရှားပါးတာကြောင့်ဖြစ်စေ ၊ ပင်လယ်ပြင်ခရီး နဲ့အတူ အခြားဒေသန္တရဗဟုသုတရယူချင်လို့ဘဲဖြစ်စေ ၊ နိုင်ငံခြားငွေရရှိမှုကြောင့် ၀င်ငွေကောင်းလို့ အချိန်တိုအတွင်း ဘ၀အခြေ အနေ တိုးတတ် ကြီးပွား အောင်မြင်ချင်တဲ့ အတွက်ကြောင့်ဖြစ်စေ အကြောင်းအမျိုးမျိုးကြောင့် သဘော`်ဝန်ထမ်း လုပ်လိုသူ လူငယ်တွေ များပြားလာရပါတယ်။ အမှတ်ကောင်းကောင်းနဲ့ တက္ကသိုလ်ဝင်တန်းအောင်မြင်တဲ့အခါ လူငယ်အများအပြားဟာ ဆေးတက္ကသိုလ် ၊ စက်မှုတက္ကသိုလ် စတဲ့ ထင်ရှားကျော်ကြားမှုလဲရှိ ၊ အသက်မွေးဝမ်းကျောင်းပညာရပ်ဆိုင်ရာ လူကြိုက်လဲများ လွန်း ၊ ဘ၀ခရီးလမ်းလဲဖြောင့်ဖြူးနိုင်တဲ့ တက္ကသိုလ်တွေကိုတောင် ရွေးချယ်လျှောက်ထားမှု လျှော့နည်းလာကာ မြန်မာနိုင်ငံရေ ကြောင်းပညာတက္ကသိုလ် ၊ မြန်မာနိုင်ငံကုန်သွယ်ရေကြောင်းကောလိပ် တို့ကို ရွေးချယ်လျှောက်ထားမှုတွေ တနှစ်ထက်တနှစ် ပိုမို များပြားလာတာတွေ့မြင်ရပါတယ်။ 

အခွင့်အလမ်းရွေးချယ်မှုပုံစံပြောင်းလဲလာတဲ့ လူငယ်တွေရဲ့နောက်ကပုန်းကွယ်နေတဲ့ ဘ၀ပုံဖော်လိုမှုဆန္ဒသဘောကတော့ မြန်မာ နိုင်ငံရေကြောင်းပညာတက္ကသိုလ် ၊ မြန်မာနိုင်ငံရေကြောင်းပညာကောလိပ် တို့မှ ကျောင်းဆင်း ဘွဲ့ရပြီးတာနဲ့ လုပ်ငန်းခွင်တန်းဝင် နိုင်တဲ့ အခွင့်အရေး ၊ လူငယ်တွေရဲ့ စွန်းစားချင်တဲ့သဘာဝစေ့စော်မှု ၊ အချိန်တိုအတွင်းသင့်တင့်တဲ့ ကြိုးစားအားထုပ်မှု ၊ ရင်းနှီး မြုပ်နှံမှု လောက်သာလုပ်ရုံနဲ့ လက်တကမ်းမှာရှိတဲ့အောင်မြင်မှုကိုအခက်အခဲမရှိ ရယူနိုင်လို့ပါဘဲ။ ဒါကြောင့် မြန်မာနိုင်ငံ ရေ ကြောင်းပညာတက္ကသိုလ် နဲ့ မြန်မာနိုင်ငံရေကြောင်းပညာကောလိပ် တို့မှ ဘွဲ့ရ ၊ ကျောင်းဆင်း ပညာတတ်လူငယ်အများအပြား ဟာလဲ တနှစ်ပြီးတနှစ် တသုတ်ပြီးတသုတ် နိုင်ငံခြားပင်လယ်ကူးသဘော`်များတွင် သဘော`်ဝန်ထမ်း အဖြစ်တာဝန်ထမ်း ဆောင်ရန် လူသားအရင်းအမြစ်များအနေနဲ့ ထွက်ပေါ်လာခဲ့ပြီး အခြားတဖက်မှလည်း ရေကြောင်းပို့ဆောင်ရေးညွှန်ကြားမှုဦးစီး ဌာန၊ သဘော`်သားအလုပ်အကိုင်ကြီးကြပ်ရေးဌာနခွဲ (SECD) ရဲ့ ပြောင်းလဲကျင့်သုံးလာတဲ့မူဝါဒတွေကြောင့် မြန်မာနိုင်ငံရေ ကြောင်းပညာတက္ကသိုလ် နဲ့ မြန်မာနိုင်ငံရေကြောင်းပညာကောလိပ်တို့ကိုအကြောင်းအမျိုးမျိုးကြောင့် ၀င်ခွင့်မရခဲ့သော်လည်း သဘော`်ဝန်ထမ်းအဖြစ်လုပ်ကိုင်လိုသူ တက္ကသိုလ်ဝင်တန်းအောင် ၊ G.T.C, B.Tech, B.E, B.A, B.Sc စတဲ့ ပညာရေးနောက်ခံ အမျိုးမျိုးသော လူငယ်များအတွက်လည်း ကုန်းပတ်ဌာနဘက်ဆိုင်ရာဝန်ထမ်း (Deck Rating)၊ စက်ခန်းဌာနဘက်ဆိုင်ရာဝန်ထမ်း (Engine Room Rating) နဲ့ စားဖိုဆောင်ဌာနဘက်ဆိုင်ရာဝန်ထမ်း (Saloon & Galley Department Rating) များအဖြစ် အပြည်ပြည်ဆိုင်ရာရေကြောင်းအဖွဲ့ချုပ် (IMO – International Maritime Organization) မှချမှတ်ထားတဲ့ ဥပဒေများအရ သက်ဆိုင်ရာသင်တန်းအသီးသီး (IMO’s Model Courses) ကိုတတ်ရောက်စေပြီး နိုင်ငံခြားသဘော`်ကုပ္မဏီများမှာ တာဝန် ထမ်းဆောင်ခွင့်ပြုခဲ့ပါတယ်။
ဒီတော့ကာ မှတ်ပုံတင်ထားတဲ့ (၀ါ) သဘော`်သားလုပ်သက်မှတ်တမ်းစာအုပ် (CDC) ကိုင်ဆောင်ထားသူ ၊ သဘော`်ဝန်ထမ်း အဖြစ် တာဝန်ထမ်းဆောင်ရန် အဆင်သင့်ဖြစ်နေတဲ့ လူငယ် လူသားအရင်းအမြစ်တွေဟာ လွန်စွာများပြားစွာထွက်ပေါ်လာခဲ့ရပြီး အဲဒိဖြစ်စဉ်နဲ့ ဆန့်ကျင်ဘက်မှာတော့ သဘော`်ဝန်ထမ်း အဖြစ်အလုပ်အကိုင်အခွင့်အလမ်းဖန်တီး ရရှိနိုင်မှု (နိုင်ငံခြားသဘော`် ကုပ္မဏီများမှသဘော`်သားအသစ်ခေါ်ယူခန့်ထားမှု) မှာတော့ ထုပ်လုပ်မှုနဲ့ သုံးစွဲမှု မညီတဲ့ မျှခြေပျက်မှုအဖြစ် လျှော့ပါး နိမ့်ကျ နေတာကိုတွေ့ရပါတယ်။

ဥရောပနိုင်ငံများရဲ့စီးပွားရေးကျဆင်း ဆုတ်ယုတ်နေမှု ၊ အရှေ့မြောက်အာရှက ဂျပန်နိုင်ငံရဲ့စီးပွားရေးတန့်နေမှု ၊ ကိုရီးယား ၊ ဖိလစ်ပိုင် ၊ တရုတ် ၊ ထိုမ်ဝမ် ၊ အိန္ဒိယ ၊ အင်ဒိုနီးရှား နဲ့ အခြားအရှေ့တောင်အာရှနိုင်ငံများမှ လူသားအရင်းအမြစ်များကလည်း သဘော`်ဝန်ထမ်းအလုပ်အကိုင်ဈေးကွက်ထဲကို အလုံးအရးင်းနဲ့ဝင်ရောက်လာမှု ၊ လူသစ်သဘော`်ဝန်ထမ်းများရဲ့ အရည်အသွေး ကလည်းမေးခွန်းထုပ်စရာဖြစ်နေမှု၊ သဘော`်သားအလုပ်အကိုင်ကြီးကြပ်ရေးဌာနခွဲ (SECD) မှ သဘော`်ဝန်ထမ်းများကို ၀န် ဆောင်မှုကိစ္စများပေးရာမှာ၎င်း ၊ အလုပ်အကိုင် အခွင့်အလမ်းများဖန်တီးပေးရာမှာ၎င်း ၊ အားနည်းချက်များစွာရှိနေမှု စသည့် အကြောင်းများကလည်း မြန်မာသဘော`်ဝန်ထမ်းအလုပ်အကိုင်ဈေးကွက်ကို အကြီးအကျယ် စိမ်ခေါ် ချိန်းခြောက်နေလျှက် ရှိပါတယ်။ ဒီလိုအခက်အခဲပေါင်းများစွာနဲ့ရုန်းကန်နေရတဲ့ ကျွန်တော်တို့ သဘော`်ဝန်ထမ်း လောကမှာ နိုင်ငံတကာသွား ပင်လယ်ကူးသဘော`်ဝန်ထမ်း ဆိုင်ရာအလုပ်အကိုင်ဝန်ဆောင်မှုပေးနေတဲ့ ကုပ္မဏီများ (Crew Manning Companies) က ပင်ရင်းနိုင်ငံခြားသဘော`်ကုပ္မဏီမှ လူသစ်မသုံးလိုသောကြောင့် လူသစ်မတင်နိုင်တဲ့အခက်အခဲကြောင့်၎င်း ၊ မိမိတို့ကုပ္မဏီမှာ အမြဲတမ်းဝန်ထမ်းအဖြစ်လုပ်လာခဲ့တဲ့ သဘော`်ဝန်ထမ်းများအတွက်သာအလုပ်အကိုင် အခွင့်အလမ်းက အတိအကျ အကန့် အသတ်ဖြင့်ရှိနေမှုကြောင့်၎င်း ၊ အကြောင်းကြီးငယ်မဟူ ပွဲပြီးမီးသေဖြစ်နေပြီဖြစ်သော ကုပ္မဏီဝန်ထမ်းမိသားစုများ ၊ သဘော`် သားများရဲ့ ဆွေမျိုးသားချင်းများကိုသာခန့်ထားလိုတဲ့ကုပ္မဏီရဲ့ “မိသားစုကုပ္မဏီ” မူဝါဒကြောင့်၎င်း ၊ ပင်ရင်းနိုင်ငံခြားသဘော`် ကုပ္မဏီမှ သဘော`်ဝန်ထမ်း ဆိုင်ရာအလုပ်အကိုင်ဝန်ဆောင်မှုပေးနေတဲ့ ကုပ္မဏီများသိုို့ ပေးချရမည့် ၀န်ဆောင်ခကို အနည်းငယ် သာ (သို့မဟုတ်) လုံဝနီးပါး မပေးချေလိုကြဘဲ သက်ဆိုင်ရာ သဘော`်ဝန်ထမ်းအလုပ်အကိုင် ၀န်ဆောင်မှုကုပ္မဏီများကသာ ကိုယ့်နည်းကိုယ့်ဟန်နဲ့သဘော`်ဝန်ထမ်း ၏ ကျွမ်းကျင်မှု အရည်အချင်းကို အကဲဖြတ် ၊ စစ်ဆေးမှု တွေမလုပ်တော့ဘဲ ၀န်ဆောင် ခ တနင့်တပိုး (သူဌေးဖြစ်) ရယူ၍ သဘော`်ပေါ်စေလွှတ်နေကြရခြင်းကြောင့်၎င်း ၊ စတဲ့အကြောင်းအမျိုးမျိုးကြောင့် အခုမှ သဘော`်စ လိုက်ဘို့ ကြိုးစားအားထုပ်နေကြတဲ့ လူငယ်များအတွက် အလုပ်အကိုင်ရရှိနိုင်မှု “ငြင်းပယ်ခြင်း” ကိုခံနေကြရပါတော့ တယ်။ ငြင်းပယ်မှုပုံစံအမျိုးအမျိုးရှိနိုင်ပေမဲ့
၁။ ပင်လယ်ပြင်လုပ်သက် (Sea Service) ရှိသလား ။ ပင်လယ်ပြင်လုပ်သက်ရှိလျှင်တော့ လျှောက်လွှာ (Application) တင်ထား လို့ရပါတယ်။ လိုရင်ခေါ်ပါ့မယ်။ ပင်လယ်ပြင်လုပ်သက်မရှိ၊ “လူသစ်” ဆိုလျှင်တော့ “လက်မခံပါ” ဆိုသော လူသစ် ၊ လက်မခံ လိုင်း ၂။ ဘယ်သူ့နဲ့သိလဲ ၊ ဘယ်သူ့အဆက်အသွယ်လဲ ဆိုသော အဆက်အသွယ် လိုင်း ။
၃။ ရိုက်ကြေး ၂၅ သိန်း ၊ သိန်း ၃၀ ရိုက်ရင် စားပွဲထိုး (Mess Boy) လုပ်ရမည် ဆိုသော ရိုက် လိုင်း ။
၎။ လက်မှတ်အကြီး (အရာရှိလက်မှတ်အတု) ကိုင် ၊ အင်နဲ့လုပ် ၊ (လုပ်တတ်တာမလုပ်တတ်တာ ၊ သဘော`်ကြံ့ခိုင်မှုရှိတာ မရှိတာ ၊ ကိုယ့်အတွက်ဘေးအန္တရယ်လုံခြုံမှုရှိတာ မရှိတာ ၊ လစာရတာ မရတာ မသိ။) ပုံး ၃၀ ပေး ဆိုသော အမှောက် လိုင်း ။ စသည်ဖြင့် အမျိုးမျိုးတွေ့ရပါတယ်။ ဒီမှာတင် ကျွန်တော်ဒီစာစုလေးကို ရေးဖြစ်ဖို့ အတွေးပေါင်းများစွာ ၀င်လာတော့တာဘဲဗျာ ။ 

ဖော်ပြခဲ့တဲ့ ငြင်းပယ်မှု အချက်တွေထဲက အမှတ်စဉ် (၂)၊(၃)၊(၄) တွေကတော့ ကာယကံရှင် အလုပ်ရှာနေတဲ့သဘော`်ဝန်ထမ်း ကိုယ်တိုင်နဲ့ သဘော`်ဝန်ထမ်းအလုပ်အကိုင်ဝန်ဆောင်မှုပေးတဲ့ ကုပ္မဏီတို့ရဲ့ အချင်းချင်းသဘောတူကြလို့ စိတ်ဆန္ဒရှိတဲ့အတိုင်း လွတ်လပ်စွာ အပေး ၊ အယူ ၊ အချိတ်အဆက်တွေ ၊ လက်မှတ်အမှန်မဟုတ်တဲ့ အမှောက်တွေ ကို ဘာမှဝေဖန်တာ ၊ အငြင်းပွား တာ မလုပ်ချင်ပေမဲ့ အချက် (၁) “လူသစ်လက်မခံပါ” ဆိုတာကိုတော့ နည်းနည်းဆွေးနွေးပါရစေ။ ကဲ… ကျွန်တော် မေးကြည့် မယ်နော်။ ပင်လယ်ပြင်လုပ်သက် (Sea Service) ရရှိပြီးလို့ လုပ်ငန်းခွင်အတွေ့အကြုံရှိပြီးဖြစ်တဲ့ “လူဟောင်း” ဆိုတာ “လူသစ်” ကဖြစ်လာရတာမဟုတ်လား ။ “အဟောင်း” ဖြစ်ဖို့ “အသစ်” ကို ဖြတ်ကျော်လာရတယ် ဆိုတာ ဘယ်လိုမှငြင်းလို့မရနိုင်တဲ့ သဘာဝနိယာမပါ။ ယခုထိတာဝန်ထမ်းဆောင်နေဆဲ အရည်အချင်းပြည့်မှီပြီး အတွေ့အကြုံများစွာရှိပြီးဖြစ်တဲ့ ရေယာဉ်မှူး (Master) ၊ အင်ဂျင်နီယာမှူး (Chief Engineer) တို့တွေလဲ တချိန်က “လူသစ်” တွေပါ။ လူသစ်ဘ၀မှာ သက်ဆိုင်ရာကုပ္မဏီများမှ ကောင်းစွာ ပုံလောင်းခံခဲ့ရလို့ ယနေ့ ယခုအချိန်မှာ အတွေ့အကြုံရှိ ၊ အရည်အချင်းမှီ လူဟောင်းကြီးများ ဘ၀ကိုရောက်ရှိလာခဲ့တာ ပါ။ လူသစ်လက်မခံပါ လိုို့ငြင်းပယ် နေမဲ့အစား လူသစ်တွေကို အသုံးဝင်လာအောင် ၊ အသုံးတည့်လာအောင် ၊ သဘော`်မှာ တကယ်အရည်အချင်းရှိသူတွေဖြစ်လာအောင် ၊ မိခင်ကုပ္မဏီရင်းရဲ့ လူစွမ်းအားအရင်းအမြစ်ဖွံ့ဖြိုးရေးဆိုင်ရာမူဝါဒတွေနဲ့ ကိုက်ညီအောင် ၊ မိမိတိုိ့အလုပ်အကိုင်ဝန်ဆောင်မှုကုပ္မဏီများမှာ နောင်အခါ အရည်အချင်းရှိသဘော`်ဝန်ထမ်းများ အဆင်သင့် ရှိနေအောင် ၊ မိမိကုပ္မဏီမူဝါဒများနဲ့ကိုက်ညီသော သင့်တော်သော သဘော`်နှင့်ပါတ်သက်သော လုပ်ငန်းခွင်ဆိုင်ရာသင်တန်း များ (In-house Training and Upgrade) ပေးပြီး လူသစ်များကို မိမိတို့စိတ်ကြိုက်အကောင်းဆုံးပုံဖော်ထားကာ အဲဒိထဲကမှ အရည်အချင်းစစ်စာမေးပွဲများ ၊ လူရွေးချယ်မှုများပြုလုပ်၍အရည်အချင်းရှိသူများကိုသဘော`်များပေါ်သို့ တာဝန်ထမ်းဆောင် ရန်ရွေးချယ် စေလွှတ်ပါက အားလုံးအတွက်ကောင်းသော အကျိုးဆက်ကိုရရှိမှာဖြစ်ပါတယ်။

  ဒီထက်ရှင်းအောင်ဥပမာပေးရရင် အိမ်မှာနေ့စဉ်အသုံးပြုနေတဲ့ ကျောက်ငရုတ်ဆုံဟာ အသစ်ဘ၀မှာ (ကျောက်မှုံတွေထွက်တာကြောင့်) အသုံးပြုလို့မကောင်းပေမဲ့ ဆန်စေ့များ ၊ ကန်စွမ်းရွက်များ စတဲ့ သင့်တော်သော ပစ္စည်းတွေထဲ့ပြီး လိုအပ်သလို “ကျင့်” ပေးခြင်းအားဖြင့်နှစ်ပေါင်းများစွာ အသုံးပြုနိုင်သော အကောင်းဆုံးကျောက်ငရုတ်ဆုံဖြစ်လာရပါတယ် ။ ဒီသဘောမျိုးပါဘဲ။ လူသစ်တွေကို သင့်တော်သော သင်တန်းများပေးပြီး လုပ်ငန်းခွင်ထဲသို့ပို့ဆောင်ပေးခြင်းဖြင့် အလုပ်အကိုင်အခွင့်အလမ်းများကို နိုင်ငံတကာသဘော`်သား ဈေးကွက်မှာ အကောင်းဆုံး ယှဉ်ပြိုင်ကာ ပိုမိုဖန်တီးရယူနိုင်မှာပါ။ စီးပွားရေးတွက် တွက်လျှင်လည်း နိုင်ငံတကာသွား ပင်လယ်ကူးသဘော`်ဝန်ထမ်း ဆိုင်ရာအလုပ်အကိုင်ဝန်ဆောင်မှုပေးနေတဲ့ ကုပ္မဏီများ (Crew Manning Companies) က လူသစ်များကို လိုအပ်သလိုပြုပြင် ပုံဖော်ပေးသော အရည်အချင်းမြင်ှ့တင်မှု သင်တန်းများ (Upgrade) ပြုလုပ်ခြင်းသည် သက်ဆိုင်ရာကုပ္မဏီအတွက်မည်သို့မျှ အရှူံးမရှိနိုင်ပါ။ အရှူံးမရှိနိုင်သည့်အပြင် သဘော`်ဝန်ထမ်းများအရည်အသွေး မြင့်တတ် လာမှု ၊ လုပ်ငန်းခွင်ကျွမ်းကျင်ပိုင်နိုင်လာမှု ၊ လုပ်ငန်းခွင်နှင့်ပါတ်သက်၍အမိန့်နာခံတတ်လာမှု ၊ အရည်အချင်းပြည့်မှီသော အရာရှိများအဖြစ် နောင်တချိန်တွင် မိမိကုပ္မဏီတွင် ပြန်လည်အသုံးပြု ခန့်ထားလာနိုင်မှု ၊ ပုဂ္ဂလိက ကိုယ်ရည်ကိုယ်သွေး (Personality) ကောင်းမွန်သူများကို ရွေးချယ်ခန့်ထားလာနိုင်မှု စသည့်အားသာချက်များကြောင့် ပင်ရင်းနိုင်ငံခြား သဘောင်္ ကုပ္မဏီများ၏လေးစား ခန့်ငြားမှုကိုမလွဲမသွေရရှိနိုင်ပြီး အလုပ်အကိုင်အခွင့်အလမ်းများလည်း ပိုမို ဖန်တီး ရရှိနိုင်သောရေရှည် အတွက် မဟာဗျူဟာမြောက်အကျိုး အမြတ်ကိုတောင်ရရှိနိုင်မှာဖြစ်ပါတယ်။ ရေကြောင်းပို့ဆောင်ရေးညွှန်ကြားမှုဦးစီးဌာန ၊ သဘော`်သားအလုပ်အကိုင်ကြီးကြပ်ရေးဌာနခွဲ (SECD) အနေနဲ့လည်း ပို့ဆောင်ရေးဝန်ကြီးဌာန၏ ၀န်ဆောင်မှုလုပ်ငန်းများ လုပ်ကိုင်နေရသောဌာနဖြစ်သည်နှင့်အညီ သဘော`်ဝန်ထမ်း များကို မျက်စိမှိတ် ၊ နားပိတ်ပြီး ပစ်ပယ်မထားသင့်ဘဲ နိုင်ငံတကာ သဘော`်သားအလုပ်အကိုင်ဈေးကွက်မှာ အလုပ်အကိုင်အခွင့်အလမ်းများပိုမိုရရှိနိုင်အောင် ထိရောက်စွာ ပိုမိုဆွဲဆောင်နိုင်ရန် မူဝါဒများ ချမှတ်ကျင့်သုံးဘို့ လိုပါတယ်။ ရရှိလာမဲ့ အလုပ်အကိုင်အခွင့်အလမ်းများကိုလည်း ပွင့်လင်းမြင်သာစွာဖြင့် ဖော်ပြပြီး သဘော`်ဝန်ထမ်းများရဲ့ကိုယ်ပိုင်အရည်အသွေးအလိုက် ရွေးချယ်ခံနိုင်ခွင့်များလည်းရှိအောင်လုပ်ဆောင်ပေးနိုင်လျှင် အလုပ်လက် မဲ့နုန်းမြင့်မားလျှက်ရှိတဲ့ ကျွန်တော်တို့အမိနိုိင်ငံတော်အတွက်လည်းတဖက်တလမ်းမှ အထိုက်အလျှောက်ဖြေရှင်းပြီး ဖြစ်ပါမည့် အကြောင်း မေတ္တာဖြင့်တင်ပြလိုက်ရပါတယ်။

ရေးသားသူ - ညီညီထွေး (အင်ဂျင်နီယာမှူး)