Monday, August 12, 2013

Work smarter mate…not harder…



မြန်မာလိုဆီလျော်အောင်ဘာသာပြန်ရရင်တော့……"ကုန်းပြီးစွတ်လုပ်မနေနဲ့…ခေါင်းလေးဘာလေးသုံးဦး…" လို့ပဲပြန်ရမလား…… ဒီစကားလေးက ကျနော်လှန်လှောကြည့်ဖူးတဲ့ Navigation စာအုပ်တစ်အုပ်မှာ လူမျိုးခြားကပ္ပတိန်တစ်ယောက်ပြောထားတာကို quote လုပ်ထားတာပါ……သဘောကျလွန်းလို့မှတ်မိနေတာပါ……ဒီသင်္ဘောသားလောကမှာ seamanship နဲ့ showmanship ရယ်ဆိုပြီး ၂ မျိုးရှိကြောင်း ကျနော်စီးခဲ့တဲ့ ဂျပန်ပိုင်သင်္ဘောပေါ်က ဖိလစ်ပိနိုး crewတွေရဲ့လက်ချာကိုခံယူဖူးပါတယ်…… seamanship ဆိုတာတော့ အားလုံးသိတဲ့အတိုင်း သင်္ဘောသားကောင်းတစ်ယောက်ရဲ့အလေ့အထနဲ့ကျွမ်းကျင်မှုတွေပေါ့……showmanship ကျတော့ သူလဲကျွမ်းကျင်တာပဲတဲ့…ဘာကွာလဲဆိုတော့…သူကလုပ်နေတာမဟုတ်ဘူး……လှုပ်နေတာတဲ့……ဒါပေမဲ့ ကြည့်လိုက်ရင်တော့ သူ့အလုပ်ကို အတည်ပေါက်ကြီး အားကြိုးမာန်တက်လုပ်နေသယောင်ထင်ရတယ်…တကယ်တမ်းက သက်တောင့်သက်သာအပေါ်ယံလုပ်နေတာပါတဲ့…ဒါလဲ ကျွမ်းကျင်မှုတစ်ခုလိုတယ်ဆိုတာတော့ လက်ခံလိုက်ရပါတယ်…(စကားမစပ် ကျနော်နဲ့တွဲဖူးတဲ့ ဖား crew တွေ အရာရှိတွေကတော့ တစ်ယောက်မှ showmanship သမားပါတာမတွေ့ခဲ့ပါဘူး…တကယ်ကို သူတို့အလုပ်သူတို့ပိုင်တဲ့သူတွေချည်းပါပဲ) ခေါင်းစဉ်ကအစကိုပြန်ကောက်ရရင် ကပ္ပတိန်ကြီးပြောတာကို ကျနော်က ကိုယ့်ဘာသာ ဘာသာပြန်ကြည့်ပြီး သဘောကျနေတာပါ……ဒါပေမဲ့ သူပြောချင်တဲ့ စမတ်ကျကျအလုပ်လုပ်ပါဆိုတာကို ရေသာခိုအချောင်လိုက်တာနဲ့ ရောသွားမှာစိုးလို့ showmanship အကြောင်းကို ကြားဖြတ် ပဏာခံလိုက်ရတာဖြစ်ပါတယ်……ဒီလိုပါ……ဥပမာ ကိုယ်တွေ့နားလည်ခဲ့တာတစ်ခုနဲ့ချိန်ထိုးရရင်……Brazil, victoria ကိုကျနော်တို့ရောက်ခဲ့တုန်းက ကမ်းကပ်ထားတဲ့ သင်္ဘောတွေရဲ့ Rat guard တွေဟာ Mooring ropeတွေပေါ်မှာ ရှိမနေပဲ ဘေးကျနေတာမျိုးကို ဆိပ်ကမ်းရဲကတွေ့ခဲ့ရင် အဲဒီ့သင်္ဘောကို ဒေါ်လာ 4000(အတိအကျမမှတ်မိ) ငွေသားဒဏ်ရိုက်မယ်ဆိုတဲ့Port regulation ကြီး ရှိနေပါတယ်……ဒီတော့……Bosun ကြီးက ကျနော်တို့ကို ဘိလပ်မြေစပ်ခိုင်းပါတယ်……စပ်ဖျော်ထားတဲ့ဘိလပ်မြေတွေကို ပါတီတုန်းက ကျန်နေတဲ့ဘီယာဘူးခွံအဟောင်းတွေအထဲထည့်……ဘိလပ်မြေတွေခြောက်သွားတော့ အတော်အလေးချိန်စီးသွားပြီဖြစ်တဲ့ ဘီယာဘူးတွေကို ဆေးနီလေးတောင်သုတ်ခိုင်းလိုက်သေးဗျ…… ပြီးတော့ Rat guard တွေရဲ့ အလည်ပေါက်ဘေး တစ်ဖက်တစ်ချက်စီမှာ တစ်ဘူးစီ သံနန်းကြိုးနဲ့ တွဲတုပ်ပြီးချည်ထားလိုက်ရော……အဲ့လိုပြုပြင်ဖန်တီးလိုက်တဲ့ Rat guard တွေကို ချထားလိုက်ရင် တော်ရုံလေတိုက်တာလောက်ကတော့ သွားကြည့်စရာမလိုတော့ဘူး………မဟုတ်လို့ကတော့ Aft station တစ်ခုတည်းမှာတင် Gangway duty သမားခမျာ……တဟူးဟူးတိုက်လို့လွင့်ချင်ရာလွင့်နေတဲ့ Rat guard တွေကို သူ့နေရာသူရှိနေဖို့အရေး ပြေးပြေးပြီးနေရာပြန်ပြန်ချနေရတာ တစ်ချိန်လုံး ဆပ်ပြာသည် လင်ပျောက်သလို ဖြစ်နေရှာတာပါ……ဖြစ်ဆို…… မျက်မှန်အနက် ပေါင်မှာသေနတ်နဲ့ ဘရာဇီးဆိပ်ကမ်းရဲတွေကလဲ ကမ်းကပ်ထားသမျှ သင်္ဘောတွေကို ဒဏ်ကြေးရိုက်ဖို့အရေး တစ်ချိန်လုံး ပတ္တရောင်လှည့်နေတာကိုး……ဆိုလိုရင်းကတော့ ဆပ်ပြာသည်လင်ပျောက်နေရှာတဲ့ gangway duty သမားဟာ "Work harder" ပါ……(သူ့မူရင်း duty ဖြစ်တဲ့ ISPS code ကြီးကို အကောင်အထည်ဖော်ပြီး access control မလုပ်နိုင်တော့ပဲ ဒေါ်လာ 4000 တန် Rat guard တွေကိုပဲ အပြေးအလွှား ဗြဟ္မာ့ဦးခေါင်းလိုလိုက်ကိုင်နေရတာ အလကားသက်သက် အင်အားဖြုန်းတီးနေရတာပါ)
လက်လုပ်ဘီယာဘူးတွေချိတ်ထားလို့ လေအတော်ပြင်းမှသာ Rat guard တွေ ကျ/မကျ သွားစစ်ဆေးဖို့လိုတော့တဲ့အခါ "Work smarter" ဖြစ်သွားပါပြီ……
ဒါလေးက ကျနော် ပြောတတ် မပြောတတ်နဲ့ ဥပမာပေးလိုက်တာပါ……တကယ်တေမ်း အတွေ့အကြုံရင့်မာနေတဲ့ သင်္ဘောသားကြီးတွေမှာဆို ဒီထက်ကောင်းတဲ့ဖြတ်လမ်းနည်း ဥပမာတွေရှိမှာပါ………
ခေတ်ကာလရဲ့တန်ဖိုးကြီးတောင်းဆိုမှုတွေအရ စိန်ခေါ်မှုအသစ်သစ်တွေက ပင်လယ်ကူးသင်္ဘောသားတွေကို စောင့်ကြိုနေပါတယ်……ကိုလံဘတ်စ်ခေတ်ကလို မိုက်ပေ့ဆိုးပေ့ ဆိုတဲ့ အားကောင်းမောင်းသန် အရင်းမစိုက်လှေထိုးလိုက်တွေ ကမ်းကုန်လို့ရေထဲဆင်းလာတဲ့ ဂျစ်ပစီတွေကို အလိုမရှိတော့ပါဘူး……ပင်လယ်ပြင်ထွက်ဖို့အရေး ကျနော်တို့ ဘယ်လောက်အရင်းစိုက်ထားရလဲဆိုတာ အသိဆုံးဖြစ်ကြမှာပါ…… အလုပ်ကို ကြိုးကြိုးစားစားနဲ့ ခိုင်းတာလုပ်တတ်ရုံဆိုရပြီ ဆိုတဲ့အတွေးကိုထားခဲ့ပြီး ဘယ်လိုစမတ်ကျကျနဲ့သူများဆယ်လှမ်းကို ကိုယ်တစ်လှမ်းလှမ်းရင် ကောင်းမလဲဆိုတဲ့စိတ်ကူးလေးတွေစတင်ဖို့အချိန်ကျလာပြီလို့ထင်ပါတယ်………အထက်လူကြီးစိတ်ကျေနပ်ရုံနဲ့လုပ်တဲ့သူနဲ့ အထက်လူကြီးအံ့အားသင့်အောင်လုပ်ပြနိုင်တဲ့သူ ရေရှည်မှာကွာသွားပါလ်ိမ့်မယ်……ဒီနေရာမှာ စမတ်ကျကျလုပ်နိုင်ဖို့ ဘာလိုအပ်လဲလို့ဆိုရင် အခြေခံကျဆုံးနဲ့ အရိုးရှင်းဆုံးအဖြေက "Common sense" ပါပဲ……(ရေးသူ ကျနော်ကိုယ်တိုင် Common sense အလွန်အားနည်းကြောင်း လမ်းကြုံကြေငြာပါရစေ ) ဟုတ်ပါတယ်……တစ်ခါတစ်လေမှာ ကျနော်တို့တွေဟာ အရိုးရှင်းဆုံးသဘောတရားတွေကိုမေ့ထားပြီး နက်နက်နဲနဲနည်းလမ်းတွေလိုက်တွေးမိနေတတ်ပါတယ်……။ ဖတ်ရှုသူအားလုံးကို လေးစားကျေးဇူးတင်လျှက်…………

-Aye Sad


No comments:

Post a Comment