Monday, August 12, 2013

သဘောင်္သားနဲ့ ရန်သူမျိုးငါးပါး

Kyi Min Han

သဘောင်္သားနဲ့ ရန်သူမျိုးငါးပါး

ကျွန်တော်တို့ သဘောင်္သားတွေဟာ ရန်သူမျိုးငါးပါးနဲ့အမြဲလိုလိုရင်ဆိုင်နေရတာပါဗျာ။
မယုံမရှိပါနဲ့။ ကျွန်တော်သေချာပြောပြမယ်။နားထောင် ။

ရေ သဘောင်္လိုက်ပါတယ်ဆိုမှ ရေကတော့အမြဲကိုပတ်လည်ဝိုင်းနေတော့တာပါပဲ။ သူတစ်ယောက်ထဲဒုက္ခပေးရတာအားမရလို့ သူ့ အမျိုးတွေဖြစ်တဲ့ မုန်တိုင်းတို့  လှိုင်းတို့ လဲခေါ်လာတတ်သေးတယ်ဗျ။
မီး သူကလဲတော်တော့်ကိုဆိုးတဲ့အထဲမှာပါတယ်ဗျ။ သဘောင်္တွေမှာတစ်ခုခုဖြစ်ပြီဆိုရင် များသောအားဖြင့်
မီးလောင်တာများတယ်။ ပင်လယ်ထဲကရေတွေနဲ့ ပက်ပေါ့ လို့ မပြောနဲ့အုန်းဗျ။ ပက်တာများလို့ စုပ်ထုပ်လို့ မနိုင်ရင် မီးလောင်တာရော သဘောင်္နစ်တာပါ နှစ်မျိုးဖြစ်သွားမယ်။မီးသိပ်ကြီးလာရင် ငြိမ်းလို့ မနိုင်လို့  သဘောင်္
ရှေ့ သွားပြီးထိုင်ကြည့်လို့  အကူအညီကိုစောင့်ရတာတွေတောင်ရှိပါသတဲ့။

မင်း အာဏာပိုင် ဆိပ်ကမ်းကပ်လို့ ကတော့ ကျွန်တော်တို့  ဘဝက ကုန်းပေါ်ကလာတဲ့ ယူနီဖောင်းဝတ်မှန်
သမျှကြောက်နေရတဲ့ဘဝပါဗျာ။ တစ်ကယ့်ကိုယ် အမျိုးကလည်းစုံလှပါတယ်။ Custom,Immigration, port health, police, portstate flagstate, internal affair စသည်စသည်ဖြင့် လာလာပြီးဓားပြတိုက်နေကြတာ
ပြောမယုံ ကြုံဖူးမှသိမှာပါဗျာ။

ခိုးသူ ဓားပြ သူတို့ ကလဲ တစ်မှောက်ဗျို့  သဘောင်္က သံတိုသံစ ကမ်းမှာကပ်ဖို့ ထားတဲ့သဘောင်္ကြိုး ခိုးတာကအစ သဘောင်္တစ်စီးလုံးမှာရှိတဲ့သဘောင်္သားအကုန်သတ်ပြီး သဘောင်္ပါအပျောက်ရှင်းတဲ့ အထိ
အမျိုးအစားကများလှပါတယ်။ somalia ဓားပြတွေဆိုရင် တော်တော်များသိကြမှာပါဗျာ။

မချစ်မနှစ်သက်သောသူ သဘောင်္ပေါ်မှာ ကိုယ့်လူမျိုးကြီးပဲရှိတာမဟုတ်ဘူးဗျ။ တစ်ကယ့်ကို ပါပါ့လူမျိုး ၉၉
ရောနေတာ။လူမျိုးကပေါ်င်းစုံဆိုတော့အကျင့်စရိုက်ကလဲပေါင်းစုံပေါ့ဗျာ။ ကိုယ်နဲ့အကြောမတဲ့ကောင်ပါလာပြီဆိုရင် စိတ်ဆင်းရဲဖို့ သာပြင်တော့ ဗျို့ ။ တစ်နေ့ တစ်နေ့  ကိုယ်မမြင်ချင်တဲ့
မျက်ခွက်ကို ကိုယ့်ကန်ထရိုက် မပြီးခင်အထိ မမြင်ချင်လဲမြင်နေရတဲ့ဘဝကို ကိုယ်ချင်းစာကြည့်ပါဗျာ။


0 comments:

Post a Comment