အပြည်ပြည်ဆိုင်ရာ ရေကြောင်းအဖွဲ့ ( IMO )

(ရေကြောင်းသိပ္ပံမဂ္ဂဇင်းတွင် ရေးသားဖော်ပြခဲ့ဖူးသော ဆရာကြီးကပ္ပတိန်ဦးစိုးလွင်ဧ။် ဆောင်းပါးတစ်ပုဒ်အား ပြန်လည်တူးဖော်လိုက်ပါသည်)
နိုင်ငံတစ်နိုင်ငံနှင့် တစ်နိုင်ငံကုန်စည်ကူးသန်းရောင်းဝယ်ကြရာတွင်လည်းကောင်း

ခရီးသွားလာကြရာတွင် လည်းကောင်း၊ စားနပ်ရိက္ခာအတွက် ငါးဖမ်းစီးခြင်းများပြုလုပ်ကြရာတွင် လည်းကောင်း၊ ရေပေါ်ရေအောက်သယံဇာတများ ဖော်ယူကြရာတွင် လည်းကောင်း ပင်လယ်ပြင်သည် လွန်စွာအရေးပါလှပေသည်။ ထို့သို့အရေးပါလှသောပင်လယ်ပြင်အား ထိန်းသိမ်းထားရန်နှင့် ပင်လယ်ပြင်တွင်သွားလာကြသည့် သဘောင်္များအန္တရာယ်ကင်းစွာ သွားလာခုတ်မောင်းနိုင်ရေးမှာ နိုင်ငံတစ်နိုင်ငံတည်းဖြင့် ဆောင်ရွက်ရန်မဖြစ်နိုင်ကြောင်း သိရှိလာကြသည်နှင့်အညီ၊ ကုလသမဂ္ဂမှ ၁၉၄၈ခုနှစ်၊ ဖေဖော်ဝါရီလ(၁၉) ရက်နေ့မှစတင်ရု ဂျီနီဗာမြို့တွင်ကျင်းပသည့် အပြည်ပြည်ဆိုင်ရာရေကြောင်းဘက်ဆိုင်ရာ အစည်းအဝေးတွင် တင်ပြခဲ့ပါသည်။ ထိုအစည်းအဝေးမှ အစိုးရချင်းဆိုင်ရာ ရေကြောင်းအတိုင်ပင်ခံအဖွဲ့ ( Inter-governmental Maritime Consultative Organization – IMCO) ဖွဲ့စည်းရန် ၁၉၄၈ ခုနှစ်၊ မတ်လ(၆)ရက်နေ့တွင် သဘောတူချမှတ်ခဲ့ပါသည်။ လိုအပ်သည့်အဖွဲ့ဝင်နိုင်ငံအရေအတွက်နှင့် အဘောင်္တန်ချိန်များပြည့်မီသည့်အချိန်ဖြစ်သည့် ၁၉၅၈ ခုနှစ်၊ မတ်လ(၁၇)ရက်နေ့တွင် အဖွဲ့အစည်းအဖြစ်ပေါ်ပေါက်လာခဲ့ပါသည်။ မြန်မာနိုင်ငံအနေဖြင့်မူ ၁၉၅၁ ခုနှစ်၊ မေလ(၂၅)ရက်နေ့မှပင် စတင်ပါဝင်လာခဲ့ပါသည်။
အစိုးရချင်းဆိုင်ရာ ရေကြောင်းအတိုင်ပင်ခံအဖွဲ့ဧ။် ပထမဆုံးသော ညီလာခံအား ၁၉၅၉ ခုနှစ်၊ ဇန်နဝါရီလ (၆)ရက်နေ့တွင်ကျင်းပခဲ့ပါသည်။ အစိုးရချင်းဆိုင်ရာ ရေကြောင်းအတိုင်ပင်ခံအဖွဲ့အား ပြင်ဆင်ချက်ထုတ်ပြန်ပြီး ၁၉၈၂ ခုနှစ်၊ မေလ (၂၂)ရက်နေ့မှစတင်ရု အပြည်ပြည်ဆိုင်ရာရေကြောင်းအဖွဲ့ ( International Maritime Organization - IMO) ဟူရု အမည်ပြောင်းလဲခဲ့ပါသည်။
အပြည်ပြည်ဆိုင်ရာ ရေကြောင်းအဖွဲ့ဧ။်ဖွဲ့စည်းပုံပါ ရည်ရွယ်ချက်များအနက် အရေးပါသည့်ရည်ရွယ်ချက်များမှာ -
- အပြည်ပြည်ဆိုင်ရာ ရေကြောင်းသွားလာမှု သဘောင်္လုပ်ငန်းများနှင့်စပ်လျဉ်း၍ အစိုးရများက ပြဌာန်းသောစည်းမျဉ်း၊ စည်းကမ်းဥပဒေများ၊ လိုက်နာကျင့်သုံးသည့် ကျင့်ထုံးများနှင့်သက်ဆိုင်သည့် ကျွမ်းကျင်မှုဆိုင်ရာကိစ္စများတွင် အစိုးရအချင်းချင်း ပူးပေါင်းကူညီဆောင်ရွက်ကြရန်၊
- ရေကြောင်းဘက်ဆိုင်ရာအန္တရာယ် လုံခြုံရေး၊ ရေကြောင်းသွားလာမှု စနစ်တကျနှင့် ကျွမ်းကျင်မှုရှိစေရေး၊ ပင်လယ်ပြင်ရေထု ညစ်ညမ်းမှု ကာကွယ်ရေးတို့အတွက် အဆင့်အတန်းမြင့်မားပြီး လက်တွေ့ကျသည့် သတ်မှတ်ချက်များ ပူးပေါင်းဆောင်ရွက်ကြစေရန်၊
- အပြည်ပြည်ဆိုင်ရာ ရေကြောင်းသွားလာမှု သဘောင်္လုပ်ငန်းများတွင် နိုင်ငံအချင်းချင်းခွဲခြားမှုမရှိသော သဘောင်္လုပ်ငန်းတိုးတက်စေရန်အတွက် အစိုးရများဧ။်ခွဲခြားဘက်လိုက်ခြင်း၊ မလိုလားအပ်သည့် ချုပ်ချယ်ကန့်သတ်သည့် ဖြစ်ရပ်များ ဖယ်ရှားရန်အတွက် အားပေးကူညီဆောင်ရွက်ရန်ဟူသော ကောင်းမွန်သည့်အချက်များ ပါဝင်ပါသည်။
အပြည်ပြည်ဆိုင်ရာရေကြောင်းအဖွဲ့တွင် ၁၉၉၄ ခုနှစ် မတ်လ(၂၈)ရက်နေ့တွင် ထုတ်ပြန်သည့်သတင်းအရ အဖွဲ့ဝင်နိုင်ငံ (၁၄၈) နိုင်ငံရှိပြီး တွဲဖက်အဖွဲ့ဝင် (associate member) နှစ်နိုင်ငံရှိကြောင်းသိရသည်။
အပြည်ပြည်ဆိုင်ရာရေကြောင်းအဖွဲ့အား (က) ညီလာခံ ( Assembly) (ခ) ကောင်စီ (Council) (ဂ) လုပ်ငန်းအဖွဲ့ (Committee) စသည့်အဆင့်မျာဖြင့် ဖွဲ့စည်းဆောင်ရွက်ပါသည်။
(က) ညီလာခံ (Assembly)
အပြည်ပြည်ဆိုင်ရာ ရေကြောင်းအဖွဲ့ဧ။် လုပ်ငန်းအဖွဲ့များအနက် အမြင့်မားဆုံးသော စီမံခန့်ခွဲမှုဆိုင်ရာအဖွဲ့ ဖြစ်ပါသည်။ အဖွဲ့ဝင်နိုင်ငံအားလုံးမှပါဝင်ပြီး သာမန်အားဖြင့် ညီလာခံအား (၂)နှစ် တစ်ကြိမ်အဖွဲ့ဧ။်တည်ရာဖြစ်သည့် လန်ဒန်မြို့တွင်ပြုလုပ်ကျင်းပကြပါသည်။ ညီလာခံသည် ကောင်စီလုပ်ငန်းအဖွဲ့တို့မှ ပြုလုပ်မည့်လုပ်ငန်းစဉ်များအား အတည်ပြုခြင်း ငွေကြေးဆိုင်ရာများသတ်မှတ်ပေးခြင်းနှင့် ကောင်စီဝင်များရွေးချယ်ပေးခြင်းစသည့် လုပ်ငန်းစဉ်များဆောင်ရွက်ပါသည်။
(ခ) ကောင်စီ (Council)
အဖွဲ့ဝင်နိုင်ငံ(၃၂) နိုင်ငံဖြင့် ဖွဲ့စည်းဆောင်ရွက်ခြင်းဖြစ်သည်။ ကောင်စီဧ။်သက်တမ်းမှာ (၂)နှစ်ဖြစ်ပြီး၊ ကောင်စီအစည်းအဝေးအား တစ်လကြိုတင်အကြောင်းကြားပြီး လုပ်ငန်းလိုအပ်ချက်အရ မည်သည့်အချိန်တွင်မဆို ခေါ်ယူကျင်းပနိုင်ပါသည်။ ညီလာခံမကျင်းမသည့် ကြားကာလများတွင် အဖွဲ့ဝင်ဧ။် အမြင့်ဆုံးသော စီမံခန့်ခွဲရေးအဖွဲ့ဖြစ်သည်။ ကောင်စီဧ။်လုပ်ငန်းတာဝန်များအနက် အရေးကြီးသည့် အချက်တချို့မှာ
- လုပ်ငန်းအဖွဲ့အသီးသီးမှ တင်ပြလာသည့် လုပ်ငန်းအစီအစဉ်များနှင့် ရသုံးမှန်းခြေစာရင်းများအား စီစစ်၍ ညီလာခံသို့ တင်ပြခြင်း
- လုပ်ငန်းအဖွဲ့အသီးသီးဧ။် အစီရင်ခံစာများ၊ အဆိုပြုချက်များနှင့် ထောက်ခံချက်များအား စီစစ်၍ ညီလာခံသို့ တင်ပြခြင်း၊ ညီလာခံမကျင်းပသည့် ကြားကာလများတွင် အဖွဲ့ဝင်များထံသို့ ကောင်စီဧ။်သုံးသပ်ချက် ထောက်ခံချက်များနှင့်အတူ ပေးပို့ခြင်း
- ကောင်စီမှ ဆောင်ရွက်ခဲ့သည့်လုပ်ငန်းများဧ။် အစီရင်ခံစာအား ညီလာခံသို့တင်သွင်းခြင်း
- ကောင်စီဧ။်ငွေကြေးအစီရင်ခံစာအား သုံးသပ်ချက်၊ ထောက်ခံချက်များဖြင့် ညီလာခံသို့တင်ပြခြင်းတို့ဖြစ်သည်။
၁၉၉၃ ခုနှစ် နိုဝင်ဘာလတွင် ကျင်းပခဲ့သည့် ညီလာခံတွင် ကောင်စီအဖွဲ့ဝင်နိုင်ငံ (၃၂)နိုင်ငံမှ (၄၀)နိုင်ငံအထိ တိုးမြှင့်ရန်တင်ပြခဲ့ပါသည်။ ကောင်စီအဖွဲ့ဝင်များ ရွေးချယ်ပုံစနစ်မှာ၊ သဘောင်္လုပ်ငန်းအား စိတ်ပါအဝင်စားဆုံးနှင့် အများဆုံးလုပ်ကိုင်သည့် အဖွဲ့ဝင်နိုင်ငံများအနက်မှ ကောင်စီဝင်ဦးရေဧ။် ၂၅%ကိုလည်းကောင်း၊ သဘောင်္လုပ်ငန်းကုန်သွယ်မှုအများဆုံးလုပ်ကိုင်သည့် အဖွဲ့ဝင်နိုင်ငံများအနက်မှ ကောင်စီဝင်ဦးရေဧ။် ၂၅%ကိုလည်းကောင်း၊ ပထဝီအနေအထားအရ အထက်ဖော်ပြပါ အဖွဲ့ဝင်နိုင်ငံများမှအပ ကျန်အဖွဲ့ဝင်နိုင်ငံများမှ ကောင်စီဝင်ဦးရေဧ။် ၅၀%ကိုလည်းကောင်း ရွေးချယ်ရန်သတ်မှတ်ထားပါသည်။
(ဂ) လုပ်ငန်းအဖွဲ့များ (Committee)
ရေကြောင်းဘက်ဆိုင်ရာလုပ်ခြုံရေး ကော်မတီ (Maritime Safety Committee – MSC) သည် အပြည်ပြည်ဆိုင်ရာရေကြောင်းအဖွဲ့ဧ။် အမြင့်မားဆုံးသော ကျွမ်းကျင်မှုဆိုင်ရာ ကော်မတီတစ်ခု ဖြစ်ပါသည်။ ထိုကော်မတီတွင် အဖွဲ့ဝင်နိုင်ငံအားလုံးပါဝင်ပါသည်။
ရေကြောင်းဘက်ဆိုင်ရာကော်မတီသည်
- ရေကြောင်းသွားလာမှု အထောက်အကူပစ္စည်းများ (Aids to Navigations)
- သဘောင်္တည်ဆောက်မှုနှင့် သဘောင်္ပေါ်ရှိမစ္စည်းများ (Constructions and Equipment of Vessels)
- သဘောင်္ပေါ်တွင် တာဝန်ပေးရမည့် ကျွမ်းကျင်မှုလူဦးရေအား အန္တရာယ်လုံခြုံရေး ရှု့ဒေါင့်မှ သတ်မှတ်ပေးခြင်း (Manning from a Safety Stand point)
- သဘောင်္များတိုက်မှုအန္တရာယ်မှ ကင်းဝင်းစေရန် သတ်မှတ်ချက်နည်းဥပဒေများ ပြုစုခြင်း (Rules for the Prevention of Collision)
- ဘေးအန္တရာယ်ဖြစ်စေသည့် ကုန်ပစ္စည်းများကိုင်တွယ်ခြင်းကိစ္စများ (Handling of Dangerous Goods)
- ရေကြောင်းဘက်ဆိုင်ရာ လုံခြုံရေးကိစ္စများဧ။် လုပ်ထုံးလုပ်နည်းများနှင့် လိုအပ်ချက်များ (Maritime Safety Procedures and Requirements)
- ဇလဗေဒ တိုင်းထွာချက်များ (Hydrographic Informations)
- မှတ်တမ်းစာအုပ်များနှင့် ရေကြောင်းဘက်ဆိုင်ရာမှတ်တမ်းများ (Log Books and Navigational Records)
- ရေကြောင်းဘက်ဆိုင်ရာထိခိုက်မှုများဧ။် စုံစမ်းစစ်ဆေးခြင်း (Maritime Casualty Investigations)
- ဆယ်ယူခြင်းနှင့် ကယ်ဆယ်ခြင်း (Salvage and Rescue)
- အခြားရေကြောင်း လုံခြုံရေးဆိုင်ရာနှင့်စပ်လျဉ်းသည့် မည်သည့်ကိစ္စများမဆို (Any Other Matters Directly Relating Maritime Safety)
စသည်တို့အားအခြေခံ၍ အပြည်ပြည်ဆိုင်ရာရေကြောင်းအဖွဲ့ဧ။် ကိုယ်စားဆောင်ရွက်ပေးရပါသည်။ ဖော်ပြပါအကြောင်းအရာများအား အခြေခံ၍ ရေကြောင်းဘက်ဆိုင်ရာလုံခြုံရေး ထောက်ခံချက်များ (recommendation) ရေးဆွဲ၍ ညီလာခံမှအတည်ပြုချမှတ်နိုင်ရန် တင်ပြရပါသည်။ ရေကြောင်းဘက်ဆိုင်ရာ လုံခြုံရေးကော်မတီဧ။် လုပ်ငန်းများပြားသည့်အတွက် အောက်ဖော်ပြပါ ဆပ်ကော်မတီများဖွဲ့စည်း၍ ဆောင်ရွက်ပါသည်။
- (၁) ဓာတုပစ္စည်းများ စု-ပုံသယ်ဆောင်ခြင်း (Bulk Chemicals)
- (၂) ဘေးအန္တရာယ်ဖြစ်စေသည့် ကုန်ပစ္စည်းများသယ်ဆောင်ခြင်း (Carriage of Dangerous Goods)
- (၃) ကုန်သေတ္တာနှင့် ကုန်ပစ္စည်းများ (Containers and Cargoes)
- (၄) မီးဘေးအန္တရာယ် ကာကွယ်ခြင်း (Fire Protection)
- (၅) အသက်အန္တရာယ်မှ ကယ်ဆယ်ခြင်း၊ ရှာဖွေကယ်ဆယ်ခြင်း (Life saving, Search and Rescue)
- (၆) အသံလှိုင်း ဆက်သွယ်ခြင်း (Radio Communications)
- (၇) ရေကြောင်းသွားလာမှု အန္တရာယ်လုံခြုံရေး (Safety of Navigation)
- (၈) သဘောင်္ပုံစံပြုစုခြင်းနှင့် သဘောင်္ပေါ်ရှိပစ္စည်းကိရိယာများ (Ship Design and Equipment)
- (၉) သဘောင်္ဧ။်ဟန်ချက်၊ ကုန်တင်မျဉ်းသတ်မှတ်ချက်နှင့် ငါးဖမ်းသဘောင်္များ အန္တရာယ်လုံခြုံရေး (Stability and Load Lines and Fishing Vessels Safety)
- (၁၀) သဘောင်္ဝန်ထမ်းများအား သင်တန်းပို့ချခြင်းနှင့် တာဝန်ယူခြင်းဆိုင်ရာ စံနှုန်းများ (Standards of Training and Watch-keeping)
- (၁၁) မှတ်ပုံတင်ရာနိုင်ငံဧ။် အကောင်အထည်ဖော်ဆောင်ရွက်မှု (Flag State Implementations)
(ဃ) ဥပဒေရေးရာ ကော်မတီ (Legal Committee)
ဥပဒေရေးရာ ကော်မတီတွင် အဖွဲ့ဝင်နိုင်ငံအားလုံးမှပါဝင်ပြီး ထိုကော်မတီအား ၁၉၆၇ ခုနှစ် Torrey Canyon သဘောင်္နစ်မြုပ်မှုမှ စတင်၍ ထားရှိရန်လိုအပ်သည်ဟုထင်မြင်ပြီး ဖွဲ့စည်းခဲ့ပါသည်။ ဥပဒေရေးရာ ကော်မတီသည် အပြည်ပြည်ဆိုင်ရာရေကြောင်းအဖွဲ့ဧ။် လိုအပ်ချက်ဘောင်အတွင်းမှ ဥပဒေရေးဆိုင်ရာ ကိစ္စရပ်များ ဆောင်ရွက်ရမည်ဖြစ်ပါသည်။
(င) ရေထုညစ်ညမ်းမှု ကာကွယ်ရေးကော်မတီ (Marine Environment Protection Committee-MEPC)
ရေထုညစ်ညမ်းမှု ကာကွယ်ရေးကော်မတီတွင် အပြည်ပြည်ဆိုင်ရာရေကြောင်းအဖွဲ့ဧ။် အဖွဲ့ဝင်နိုင်ငံအားလုံးပါဝင်ပြီး ရေထုညစ်ညမ်းမှုထိန်းသိမ်းရေး၊ ကာကွယ်စောင့်ရှောက်ခြင်းဆိုင်ရာများအား အဖွဲ့ဧ။်ကန့်သတ်ချက်ဘောင်အတွင်းမှ ဆောင်ရွက်ရပါသည်။ ထိုသို့ဆောင်ရွက်ရာတွင် သဘောင်္များမှ ဖြစ်ပေါ်စေသည့် ရေထုညစ်ညမ်းမှုအား ဆောင်ရွက်ခြင်း ဖြစ်ပါသည်။
(စ) ကျွမ်းကျင်မှုပူးပေါင်း ဆောင်ရွက်ရေးကော်မတီ (Technical Co-operation Committee)
အပြည်ပြည်ဆိုင်ရာရေကြောင်းအဖွဲ့ဧ။် သတ်မှတ်သောစည်းမျဉ်းဘောင်အတွင်းမှ အဖွဲ့ဝင်နိုင်ငံများသို့ကျွမ်းကျင်မှုဆိုင်ရာကိစ္စရပ်များ ပူးပေါင်းဆောင်ရွက်ခြင်း၊ အကူအညီပေးခြင်း ဆောင်ရွက်ပေးသည့် ကော်မတီဖြစ်သည်။
(ဆ) လုပ်ငန်းချောမွေ့စေရေးဆိုင်ရာ ကော်မတီ (Facilitation Committee)
လုပ်ငန်းချောမွေ့စေရေးဆိုင်ရာ ကော်မတီသည် အပြည်ပြည်ဆိုင်ရာရေကြောင်းအဖွဲ့ကောင်စီဧ။် အရန်အင်အားဖြစ်ပြီး၊ ၁၉၇၂ ခုနှစ်တွင် စတင်ဖွဲ့စည်းဆောင်ရွက်ခဲ့သည်။ ကော်မတီသည် အပြည်ပြည်ဆိုင်ရာရေကြောင်းသွားလာမှုလုပ်ငန်း ချောမွေ့စေရန်အတွက် မလိုအပ်သော ကန့်သတ်ချက်များ ကြိုးနီစနစ်များအား ပယ်ဖျက်ပြီး သဘောင်္များဆိပ်ကမ်းသို့ အဝင်အထွက်လွယ်ကူချောမွေ့စေရန် ဆောင်ရွက်ပေးသည့် ကော်မတီဖြစ်ပါသည်။ အဖွဲ့ဝင်နိုင်ငံအားလုံးမှ ပါဝင်ဆောင်ရွက်ပါသည်။
(ဇ) အတွင်းရေးမှုးအဖွဲ့ (Secretariat)
အပြည်ပြည်ဆိုင်ရာရေကြောင်းအဖွဲ့ဧ။် အတွင်းရေးမှုးအဖွဲ့တွင် အထွေထွေအတွင်းရေးမှုး(Secretary-General) နှင့် ဝန်ထမ်း ၃၀၀ခန့်ပါဝင်ပြီးအဖွဲ့တည်ရှိရာ ဗြိတိန်နိုင်ငံ လန်ဒန်မြို့တွင်ရုံးစိုက်ပါသည်။
(ဈ) အပြည်ပြည်ဆိုင်ရာ သဘောတူညီချက်များ (International Conventions)
အပြည်ပြည်ဆိုင်ရာရေကြောင်းအဖွဲ့သည် ပင်လယ်ပြင်တွင်သဘောင်္များ အန္တရာယ်လုံခြုံစွာသွားလာနိုင်ရေး၊ ပင်လယ်ပြင်ညစ်ညမ်းမှု ကာကွယ်ရေးနှင့် အခြားကိစ္စရပ်များအတွက် အဖွဲ့ဝင်များလိုက်နာဆောင်ရွက်ရန် သဘောင်္တူညီချက်ပေါင်း (၃၃)ခုပြဌာန်းဆောင်ရွက်ထားပါသည်။ ထိုသဘောတူညီချက်များအား အဖွဲ့ဝင်နိုင်ငံများမှလိုက်နာဆောင်ရွက်ကြခြင်းဖြင့် ရေကြောင်းသွားလာမှု အန္တရာယ်နှင့် ရေထုညစ်ညမ်းမှုတို့မှ ကာကွယ်နိုင်ပြီး ပင်လယ်ပြင်အား ရေရှည်အကျိုးရှိစွာ အသုံးပြုနိုင်ရန် အဖွဲ့ဝင်နိုင်ငံများသည် အထူးအလေးထားကြရန် လိုအပ်လှပေသည်။
(၁၉၉၅ ခုနှစ်က ရေးသားခဲ့သော ဆောင်းပါးဖြစ်သောကြောင့် အချို့အချက်အလက်များမှာ အပြောင်းအလဲအနည်းငယ် ရှိပါသည်။ www.imo.org တွင်အသေးစိတ် ဖတ်ရှု့လေ့လာနိုင်ပါသည်။)


navoski