Friday, December 27, 2013

ပင်လယ်ဓါးပြတော့ကြောက်ပါတယ်။ ဒါပေမဲ့ ဆီမကုန်အောင်ဖြေးဖြေးသွားရမယ်။



Britney Spear ရဲ့သီချင်းတွေက ဆီတင်သင်္ဘောအကြီးကြီးတွေမှာ ဆိုမာလီယားနိုင်ငံကို အခြေခံပြီး ထကြွ သောင်းကျန်းတဲ့ပင်လယ်ဓါးပြတွေကို တိုက်ချင်စိတ် ပျောက်အောင်လုပ်နိုင်တဲ့ အကြောင်းဖတ်မိရင်းဒီ Post လေး ရေးဖြစ်သွားပါတယ်။ SEEMP ( သင်္ဘောသုံးစွမ်းအင်အသုံးချမှု ထိန်းချုပ်လျှော့ချရေးစီမံချက်) ကိုရေးလက်စနဲ့ ကြုံနေတာလဲပါပါတယ်။ တရိပ်ရိပ်တက်ပြီးရင်းတက်နေတဲ့လောင်စာဆီဈေးကြောင့်အသုံးအစွဲတွေလျှော့ကျအောင်နည်းမျိုးစုံနဲ့ကြိုးစားနေ ကြတဲ့စီးပွားရေးသမား အရင်းရှင်တွေနဲ့ အသက်ကိုဖက်နဲ့ထုပ်ပြီးဝမ်းစာရှာရတဲ့ ပင်လယ်ခရီးသွားလုပ်သားတွေရဲ့ကြား ကအားပြိုင်မှုတွေကိုရေးပြချင်တာလဲပါပါတယ်။ ရှေ့ဆက်ြ ပီး မရေးခင်မှာ ပင်လယ်ဓါးပြကို ( Code of Practice for the Investigation of Crimes of Piracy and Armed robbery Against Ships Resolution A.922 (22) ) အရ အဓိပ္ပါယ်ဖွင့်ဆို ထားတာ က၊ `မည်သူမဆို သင်္ဘောပေါ်လာပြီးသင်္ဘော (သို့ ) သင်္ဘောသားကို အကြမ်းဖက်မယ် ဖမ်းမယ် တရားမ၀င်ခြိမ်းခြောက်မှု များလုပ် ရင် ပင်လယ်ဓါးပြ ဟုခေါ်ရမယ်`လို့ဆိုထားပါတယ်။ အဲဒီ Code ရဲ့အဓိပ္ပါယ်ဖွင့်ချက်အရ သင်္ဘောပေါ် (onboard) လို့ဆိုထားတဲ့အတွက် ဘယ်လောက်ပဲ ပင်လယ်ဓါးပြ ဆိုတာကြီးကိုပေါ်တင်ကြီးမြင်နေရပါစေ၊ သင်္ဘောပေါ် မရောက်လာသေးသ၍ ပင်လယ်ဓါးပြလို့ခေါ်လို့မရသေးပါဘူး။ သေနတ်ကိုင်ထားပြီး မဲမဲမြင်တာနဲ့ ပင်လယ်ဓါးပြဘဲဆိုပြီး (နိုင်ငံတကာဥပဒေအရ) သေနတ်နဲ့လိုက်ပစ်ခွင့်မရှိပါဘူး။ ဖမ်းခွင့်လည်း မရှိပါဘူး။ ဒါကြောင့် သင်္ဘောပေါ် ကို ပင်လယ်ဓါးပြကောင်တွေ တွယ်တက်တော့မှဘဲ ထိအောင် ပစ်လို့ရပါပြီ။ တွယ် မတက်မချင်းချောက်လှန့် ပစ်ခွင့်ဘဲရှိပါတယ်။ ၁၉၉၁ နောက်ပိုင်း ကနေပြီးတော့ခေတ်စားလာတဲ့ ပင်လယ်ဓါးပြတိုက်တာတွေဟာ အရှေ့တောင် အာရှ တင်မကဘဲ၊ ဆိုမာလီယားမှာပါ စခဲ့ပါတယ်။ ဆင်းရဲမွဲတေခြင်းတွေ၊ နိုင်ငံရေး မတည်ငြိမ်ခြင်းတွေ နဲ့ အခြေ တည်ပြီးနောက်ပိုင်း ခေတ်သစ်ဝိသမလောဘသား (မာဖီးယား)တွေရဲ့ စိတ်အ၀င်စားဆုံးလုပ်ငန်းကြီးတစ်ခုဖြစ်လာပါတယ်။ “ Captain Phillip “ လိုရုပ်ရှင်ရိုက်ကူးထုပ်လုပ်ရတဲ့အထိတောင်နာမည်ကြီးတဲ့ ဆိုမာလီယား ပင်လယ်ဓါးပြ တွေ အကြောင်းပြောရင် အထက်က(မာဖီးယား)တွေ ဘယ်လိုပါဝင် ပတ်သက်နေ တာတွေ့ရပါမယ်။

(မာဖီးယား)တွေရဲ့ နောက်ဆုံးပေါ်စီးပွားရေးဆိုရင်မမှားပါဘူး။ (www.spiegel.de) site ထဲမှာရေးထားတဲ့ ဆန်းစစ်မှုများအရ၊ ဒူဘိုင်း နဲ့ အနီးအနားနိုင်ငံတွေ ရဲ့ မြို့တွေ မှာ ၎င်း မာဖီးယားတွေ အခြေစိုက်ပြီးပင်လယ်ဓါးပြတိုက်ဖို့လိုသလိုထောက်ပံ့ပြီး၊ ပြန်မိုက်ကြေးခွဲရာက တော်ကိုဝင်ငွေဖြောင့်သွားခဲ့တယ်လို့ဆိုပါတယ်။ သူတို့ချည်းဘဲလားဆိုတော့ မဟုတ်ပါဘူး။ တိုက်လို့ရတာကနေ ခွဲဝေတဲ့ပုံစံကို ဆန်းစစ်ချက်အရ ပြောထားတာကိုကြည့်ရင် တစ်ခါတည်းရှင်းသွားပါလိမ့်မယ်။ တကယ်ရှေ့ထွက်တိုက်ရတဲ့ ပင်လယ်ဓါးပြတွေက ၃၀% ပဲရပြီး၊ နောက်က မာဖီးယားတွေက ၂၀% ယူပါတယ်။ ၅၀% ကရောဘယ်ရောက်သွားသလဲဆိုရင်၊ ၃၀% ကိုဆိုမာလီယားအစိုးရအဖွဲ့ထဲကလူတွေကိုပေးရပါတယ်၊ ကျန်တဲ့ ၂၀% ကိုတော့ မာဖီး ယားတွေနဲ့ ပင်လယ်ဓါးပြတွေက နောက်သင်္ဘောတွေအတွက်အရင်းအနှီး အဖြစ်သိမ်းပါတယ်တဲ့၊ တစ်ခုဝမ်းသာစရပြောရရင် ဆိုမာလီယား ပတ်ဝန်းကျင်မှာ ဓါးပြတိုက်မှုတွေဟာ လျှော့ကျ လာခဲ့ တာဟာ အခု ၂၀၁၃ မှာဆိုရင် ပင်လယ်ဓါးပြလက်ထဲရောက်သွားတဲ့သင်္ဘောမရှိ သလောက် ကိုဖြစ်သွားတယ်။ ဒီနေရာမှာ BMP4 (Best Management Practice for Protection against Somalia Based Piracy 4 ) ကအရမ်းကို တာသွားပြီး ဓါးပြတွေမတိုက်နိုင်အောင်နည်းလမ်းတွေပေးပြီး ကာကွယ် မှုတွေပေးနိုင်ခဲ့ပါတယ်။

ဒါပေမဲ့စိတ်ချရပြီလို့ပြောရ အောင်တော့မရှိသေးပါဘူး။ အရင်တုန်း က မီးကျိုးမောင်းပျက်သေနတ် တွေနဲ့ဓါးပြတွေဟာ အခုပိုပြီးခေတ်မီသေနတ်တွေအပြင် နောက်ဆုံး ဆန်းစစ်ချက်အရ ပင်လယ်ဓါးပြ အဖွဲ့ငယ်တွေဟာ seamanship ကျွမ်းကျင်တဲ့ငါးဖမ်း သင်္ဘော သားတွေရယ်၊ စစ်တိုက်ဘူးတဲ့စစ်သားဟောင်းတွေရယ် နဲ့ ရေဒီယိုကျွမ်းကျင်သူတွေနဲ့ ဖွဲ့စည်း ထားပြီး သေချာပေါက်ပိုက်ဆံရမယ့် သင်္ဘောများကိုသာရွေးတိုက်နေပြီဆိုတဲ့အကြောင်းပါဘဲ။ BMP4 နဲ့အခြားဆန်းစစ်ချက်များအရ Free board ( ရေပြင်မှကုန်းပတ်အထိ အမြင့် ) ၉ မီတာ အောက် သင်္ဘောတွေမှာ ပင်လယ်ဓါးပြ တွေတက်ပြီးအဖမ်းခံရတာအများဆုံးဖြစ်ပြီး speed ရေမိုင် ၁၈ မိုင် အောက် သင်္ဘောတွေမှာလည်း ထိုနည်း ၎င်း ပါဘဲ။ ကုန်းပတ် အမြင့် လည်း ၉ မီတာကျော်ပြီး speed ရေမိုင် ၁၈ မိုင် ကျော်တဲ့ သင်္ဘောတွေမှာ ပင်လယ်ဓါးပြ အတိုက်ခံရတာ မရှိသလောက်ပါဘဲ။ အဲဒီမှာ “ Captain Phillip “ ထဲက Maersk Alabama ကျတော့ဘာလို့ အဖမ်းခံရတာလဲလို့ မေးရင် Maersk Alabama က ၁၅၅ မီတာ အရှည် သာရှိပြီး ကုန်းပတ်အမြင့် ၄ မီတာ နဲ့ speed က ၁၆ မိုင် နှုန်းဘဲ သွားနိုင်တဲ့သင်္ဘောတစ်စီးဖြစ်နေလို့ပါဘဲ။ နောက်ဆုံး ထွက်လာတဲ့ ကုန်သေတ္တာသင်္ဘောတွေဆိုရင် အရှည်က ဘောလုံးကွင်းလေးကွင်းစာရယ်၊ ကုန်းပတ်အမြင့် ၁၅ မီတာ ကနေ ၂၀ မီတာ ရယ် နှင့် speed က ၂၅ မိုင် ကနေ ၂၈ မိုင်အထိ ရှိတဲ့သင်္ဘောတွေဖြစ်နေပြီဖြစ်တဲ့အတွက် ဓားပြများအတွက်ခက်ခဲသောသင်္ဘောများဖြစ်နေပါတယ်။ လက်နက်ကိုင်အစောင့်အရှောက်တွေကုန်သေတ္တာသင်္ဘော တွေမှာမထားတာကလည်း အထက် ကအချက်တွေကြောင့်ပါဘဲ။ လက်နက်ကိုင်အစောင့်အရှောက် ဆိုတာကလည်းဓားပြရန်ကာကွယ်ဖို့ အတွက်ကလွဲရင် ကိုယ့်အတွက်တခြားမလိုလားအပ်တဲံ့ အန္တာရယ်ပေးနိုင်တဲ့သူတွေပါဘဲ။ လွန်ခဲ့တဲ့ စက်တင်ဘာလ တုန်းက အိန္ဒြိယမှာ လက်နက်ကိုင်အစောင့်အရှောက် ပါလာတဲ့ သင်္ဘော တစ်စီး က လက်နက်ကိုင်အကုန်လုံးကို အိန္ဒြိယ အစိုးရကဖမ်းလိုက်လို့အတော်လေးရှင်းခဲ့ရတဲ့ကိစ္စတစ် ခုဖြစ်ခဲ့ပါတယ်။

ဒီအပိုင်းလေးမှာ ပင်လယ်ဓါးပြတွေသုံးတဲ့ AK 47 နဲ့ Rocket Launcher တွေအကြောင်းအနည်းငယ် ရှင်းပြချင်ပါတယ်။ AK 47 နဲ့ ပစ်တဲ့ကျဉ်ဆံဟာစွမ်းအားမြင့်ပစ်တာတောင်မှ မီတာ ၈၀၀ ကို မနည်းပစ်ရပါတယ်။ ၄၀၀ မီတာကအကောင်းဆုံး အကွာအဝေးပါ။ ရေမိုင် တစ်မိုင် (၁၈၀၀ မီတာ ) ကျော်ကိုရောက်အောင်ပစ်နိုင်တဲ့သေနတ် တွေရှိပေမဲ့ ပင်လယ်ဓါးပြတွေသုံးတဲ့ Speed boat တွေမှာ သုံးဖို့မလွယ်ပါဘူး။ Rocket Launcher ရဲ့ ပစ်နိုင်တဲ့ အကွာအဝေးကတော့ မီတာ ၉၀၀ အတွင်းပါဘဲ။ ၉၀၀ ကျော်ရင် သူ့ဘာသာသူပေါက်သွားပါတယ်။ ၁၀ မီတာအတွင်း မှာဆိုလည်းပစ်လို့မရပါ။ အဓိကပြောချင်တာကတော့ ပင်လယ်ဓါးပြတွေကိုစောစောစီးစီးသတိပြု ကင်းထောက်မိအောင် နဲ့ ဓားပြအလိုက်ခံရရင် လည်းစိတ်အေးအေးနဲ့အကွာအဝေးပေါ်မူတည်ပြီးလုပ်စရာရှိသည်များကို အကောင်းဆုံးလုပ်သွားဖို့ပါ။ အရေးကြီးဆုံး ကတော့ ပင်လယ်ဓါးပြတွေသင်္ဘောပေါ်ရောက် မလာဖို့ပါဘဲ။ အရှိန် speed နည်းပြီး ကုန်းပတ်နိမ့် သင်္ဘောများကလည်း သင်္ဘောရဲ့သဘော သဘာဝအရ ကာကွယ်ရေး တားဆီးရေးတွေကို BMP4 အရ စနစ်တကျလုပ်မယ်ဆိုရင် ပင်လယ်ဓါးပြတွေ သင်္ဘောပေါ်တက်နိုင်ခြေနည်းသွားနိုင်တယ်ဆိုရင်ရပါတယ်။ ကုန်သေတ္တာ သင်္ဘောကဲ့သို့ မြန်နှုန်းမြင့်၊ ကုန်းပတ်မြင့် သင်္ဘောများကလည်း သင်္ဘော သဘောသဘာဝအရ တားဆီး ကာကွယ်ရေး လုပ်ရမှာပါဘဲ။ ပေါ့လို့မရပါဘူး။ ပေါ့ရင်မမျှော်မှန်း နိုင်အောင်ဒုက္ခများ ကုန်မှာ ကတော့အမှန်ပါဘဲ။ ဆိုမာလီယား ပင်လယ်ဓါးပြ တွေသောင်းကျန်းတဲ့နေရာတွေက ပင်လယ်နီ ( Red Sea ) ထဲကနေ သီရိလင်္ကာ အောက်ထိပ် နား ထဲရှိပြီး မြန်နှုန်းမြင့် သင်္ဘောနဲ့ ပုံမှန်သွားရင် ၅ ရက်ခရီးလောက် ရှိပါတယ်။ IMO Guide Line, SEEMP အမြင်နဲ့ပြောရင် လောင်စာဆီတွေ မဟားတရား သုံးရမယ့်ခရီးပေါ့။ ဒါပေမဲ့ကုန်သေတ္တာသင်္ဘောကြီးတွေရဲ့ စီးပွားရေးတွက်ခြေကိုက်မြန်နှုန်း Economical Speed က ၁၇ /၁၈ မိုင်နှုန်းသာရှိပြီး မြန်နှုန်းအမြင့်ဆုံး မှာရှိတဲ့ လောင်စာ ဆီ တစ်ရက်သုံးနှုန်းရဲ့ တစ်ဝက်သာသာဘဲရှိပါတယ်။

အလွယ်ပြော ရရင် စီးပွားရေးတွက်ခြေကိုက် Speed နဲ့ သွားလို့ တစ်ရက် လောင်စာဆီ တန် ၅၀ ကုန် ရင်၊ မြန်နှုန်းမြင့်သွားရင် တန်၁၀၀ ကုန်မယ်လို့ဆိုလိုတာပါ။ အဲဒီတော့ တစ်တန်ကို အမေရိကန်ဒေါ်လာ ၆၅၀ နဲ့တွက်ရင် ငါးရက်ခရီးအတွက် အမေရိကန်ဒေါ်လာ တစ်သိန်းခွဲလောက်ပိုကုန်ပါမယ်။ စီးပွားရေးတွက်ခြေကိုက် Speed နဲ့ သွားရင် အဲဒီငါးရက်ခရီးကို ခြောက်ရက်သာသွားရပါမယ်။ အဲဒီလိုသွားခြင်းဖြင့် အမေရိ ကန်ဒေါ်လာ တစ်သိန်းကျော် အပိုမကုန်တော့ပါဘူး။ “ မလိုအပ်ဘဲနဲ့ ဘာလို့ မြန်နှုန်းအမြင့်ဆုံးနဲ့မောင်းရမှာလဲ” ဆိုပြီး စီးပွားရေးသမားတွေဘက် ကဖြစ် လာပါတယ်။ အာမခံကုမ္ပဏီ တွေဘက်ကကန့်ကွက်ပေမဲ့ နောက်ဆုံး နှစ်စဉ်ကြေးဆက်သရတဲ့ စီးပွားရေးသမားများဘက်ကဘဲအသာရပါတယ်။ SEEMP အလိုအရ နှင့် ကုန်သေတ္တာသင်္ဘောကြီးများရဲ့အင်ဂျင် သဘောသဘာဝအရကလည်း စီးပွားရေးတွက်ခြေကိုက်အမြန်နှုန်းကနေ အမြင့်ဆုံးကို အချိန်မရွေး ကောက်ကာငင်ကာတင်နိုင်တဲ့ အင်ဂျင် ကြံ့ခိုင်မှုရှိရမယ်လို့ဆိုထားပြီး၊ တကယ်တင်ရင်လည်း မိနစ် ၂၀ နဲ့ ၃၀ အတွင်းမှာ ပင်လယ် ဓါးပြ Speed Boat (Skiff) တွေလိုက်လို့မရတဲ့ အခြေအနေ ကိုရောက် အောင် မြန်နှုန်းမြှင့်လို့ ရပါတယ်။ “ Look out “ ကောင်းကောင်းထားရမှာကတော့ သင်္ဘောတိုင်းမှာအရေးကြီးသလို ပင်လယ်ဓါးပြ Skiff တွေကိုရေမိုင် ၆ မိုင် ပျော့ပျော့ကသာကြိုမြင်၊ ဘာမှကြောက်စရာမလိုဘူး လို့တောင် ပြောချင်နေကြပါတယ်။ နောက်ဆုံးတော့ ကုန်သေတ္တာသင်္ဘောနဲ့ မြန်နှုန်းမြင့်သင်္ဘောကြီးတွေမှာ စီးပွားရေးသမားတွေ ဘက်ကအားသာပြီး ၊ “ ပင်လယ်ဓါးပြတော့ကြောက်ပါတယ်။ Extra Slow Steaming ခေတ်စားတဲ့ SEEMP ခေတ်မှာ လောင်စာဆီ မကုန်အောင်ဖြေးဖြေးသာမောင်းရတဲ့ကိန်းဆိုက်သွားပါတယ်။

” Capt Win Naing Nyunt (American President Line, APL)

No comments:

Post a Comment